«Ռոմայի» հարձակվող Արտեմ Դովբիկը, ով այս ամառ է տեղափոխվել «Ժիրոնայից», բացատրել է, թե ինչու իր տեղափոխությունը Մադրիդի «Ատլետիկո» չկայացավ։
«Դա մեր հարաբերությունների պատճառով չէ, բայց «Ատլետիկոյի» հետ դա լավագույնը չէր: Մարդիկ կային, ովքեր ցանկանում էին ինձ տեսնել ակումբում, իսկ ուրիշներ՝ ոչ։ Ես վստահություն չէի զգում՝ ի տարբերություն «Ռոմայի», – Դովբիկի խոսքերն է մեջբերում Atletico Universe-ը։
Անցած մրցաշրջանում Դովբիկը բոլոր մրցաշարերում մասնակցել է 41 հանդիպման, որոնցում դարձել է 25 գոլի և 10 գոլային փոխանցման հեղինակ։
