«Բարսելոնայի» վինգեր Անսու Ֆատին կարիերան կարող է շարունակել Թուրքիայում։
Ինչպես տեղեկացնում է Marca-ն, «Ֆեներբախչեի» նոր գլխավոր մարզիչ Ժոզե Մոուրինյոն հետաքրքրված է 21-ամյա իսպանացու ծառայություններով։
Նշվում է, որ Մոուրինյոն լավ հարաբերություններ է պահպանում խաղացողի գործակալ Ժորժե Մենդեշի հետ։
Անցած մրցաշրջանում Ֆատին վարձավճարով հանդես է եկել «Բրայթոնում» և 27 խաղում դարձել 4 գոլի և 1 գոլային փոխանցման հեղինակ։
Ֆատիի պայմանագիրը «Բարսելոնայի» հետ նախատեսված է մինչև 2027 թվականի ամառը։