Մադրիդի «Ռեալը» չի վախենում Կիլիան Մբապպեի գալուց հետո թիմում հարաբերությունների համար։
Ինչպես հայտնում է Marca-ն, ակումբը վստահ է, որ հարձակվողի տրանսֆերը կուժեղացնի թիմը և չի խաթարի հանդերձարանում տիրող մթնոլորտը:
«Ռեալի» ներկայացուցիչների հետ զրույցի ժամանակ Մբապպեն պնդել է, որ չի պահանջի խաղալ որոշակի դիրքում և նշել, որ իր համար կարևորը մադրիդյան ակումբում խաղալն է և դրա հետ Չեմպիոնների լիգան հաղթելու հնարավորությունը ։
Մադրիդի «Ռեալի» նախագահ Ֆլորենտինո Պերեսը կարծում է, որ Մբապպեի պայմանագիրը թիմին կմոտեցնի «մարզական տեսանկյունից կատարելության»: Մադրիդցիների գլխավոր մարզիչ Կառլո Անչելոտտին վստահ է, որ կարող է թիմում համապատասխան դեր գտնել Մբապպեի համար։
Մադրիդի «Ռեալը» պաշտոնապես հայտարարեց Մբապպեի տրանսֆերի մասին հունիսի 3-ին։ Հաղորդվում էր, որ Կիլիանի շնորհանդեսը տեղի կունենա Եվրո-2024-ից հետո ։
