«Բայերի» գլխավոր մարզիչ Խաբի Ալոնսոն ամփոփել է Եվրոպա Լիգայի եզրափակչի «Ատալանտայի» դեմ հանդիպումը (0։3)։
«Բացարձակապես չէինք ծրագրել, որ այսօր վատ օր ունենանք։ Մենք չկարողացանք հաղթահարել շատ դժվար իրավիճակներ: Մենք ճիշտ իրավիճակներում չէինք տիրում գնդակին, որպեսզի օգտվեինք: Անպարտելիների շարքն ավարտվեց, բայց ես շնորհավորում եմ «Ատալանտային», նրանք արժանի են դրան։
Ես կասեի, որ նրանք բոլոր առումներով ավելի լավն էին: Երբ նրանք խփեցին առաջին գոլը, նրանք մեծ էներգիա ունեին։ Մենք պետք է դասեր քաղենք սրանից: Ցավալի է, որ դա տեղի է ունենում այնպիսի կարևոր օրը, ինչպիսին այսօր է, բայց մենք շաբաթ օրը ևս մեկ եզրափակիչ ունենք, և մենք կփորձենք դասեր քաղել դրանից»,- Խաբի Ալոնսոյի խոսքերն է մեջբերում TNT Sports-ը։
Իտալական ակումբը պատմության մեջ առաջին անգամ նվաճեց Եվրոպա Լիգան։ Խաբի Ալոնսոյի թիմը ընդհատեց ռեկորդային շարանը՝ 51 հանդիպում առանց պարտության։
