Կիսապաշտպան Ջորդան Հենդերսոնը համալրել է «Այաքսի» կազմը վերջերս՝ ձմեռային տրանսֆերային պատուհանի ժամանակ: Սակայն արդեն ամռանը Ամստերդամյան ակումբը կարող է հրաժարվել անգլիացու ծառայություններից։
Ինչպես հայտնում է The Athletic-ը, «Այաքսը» կարող է հրաժեշտ տալ Հենդերսոնին Չեմպիոնների լիգայի ուղեգիր ձեռք բերելու ձախողման պատճառով: 33-ամյա կիսապաշտպանն ակումբի ամենաբարձր վարձատրվող խաղացողներից մեկն է, և Չեմպիոնների լիգայի ուղեգիր ձեռք չբերելու պատճառով ամստերդամցիները կարող են կրճատել իրենց բյուջեն:
Ջորդան Հենդերսոնը «Այաքսի» կազմում անցկացրել է 10 պաշտոնական հանդիպում։ Դրանցում անգլիացին երեք գոլային փոխանցում է կատարել։
