ՊՍԺ-ի 18-ամյա կիսապաշտպան Ուորեն Զաիր-Էմերին մեկնաբանել է Չեմպիոնների Լիգայի կիսաեզրափակչի պատասխան խաղում «Բորուսիայից» կրած պարտությունը (0։1) և իր թիմի՝ մրցաշարից դուրս մնալը։

«Մենք բոլորս շատ հիասթափված ենք, բայց ես կցանկանայի շնորհակալություն հայտնել բոլոր երկրպագուներին, ովքեր մեզ հետ էին մարզադաշտում և դրսում: Ես հուսով էի, որ այս տարի մենք կարող ենք նվաճել թրեբլ։

Ինչ վերաբերում է իմ դարպասաձողին հարվածելուն, ապա դա շատ մեծ հնարավորություն էր։ Բայց ֆուտբոլը կարող է անարդար լինել: Մենք շատ հնարավորություններ ենք ստեղծում, բայց հարվածում ենք դարպասաձողին, դարպասաձողին, սեյվ կատարող դարպասապահին։

Չեմպիոնների Լիգայի ամենաերիտասարդ թիմերից մեկն ունեինք։ Հույս ունենք հաջորդ անգամ հաղթել այն»,- Զաիր-Էմերիի խոսքերն է մեջբերում RMC Sport-ը։