Իտալիայի հավաքականի և «Յուվենտուսի» նախկին դարպասապահ Ջանլուիջի Բուֆոնը նշել է իր կարիերայի այն հանդիպումը, որը կցանկանար վերախաղարկել։

«Եթե ես ստիպված լինեի նորից մեկ հանդիպում անցկացնել իմ կարիերայում, կընտրեի Եվրո-2012-ի եզրափակիչը Իսպանիայի դեմ: Մենք արժանի չէինք այս արդյունքին, մենք ուժասպառ էինք։ Ես արդարացումներ չեմ փնտրում, բայց մենք խաղն անցկացրինք անհնարին հոգեֆիզիկական պայմաններում։ Եթե ​​մեզ լրացուցիչ օր տային հանգստի, մենք կարող էինք այլ կերպ խաղալ, բայց Իսպանիայի դեմ ոչինչ անել չէինք կարող»,- Բուֆոնի խոսքերն է մեջբերում La Repubblica-ն։

2012 թվականի Եվրոպայի առաջնության եզրափակիչում Իսպանիայի հավաքականը 4։0 հաշվով հաղթեց Իտալիային։