Դորտմունդի «Բորուսիայի» գլխավոր մարզիչ Էդին Թերզիչը կիսվել է ՊՍԺ-ի հետ Չեմպիոնների Լիգայի կիսաեզրափակչի խաղի սպասելիքներով։
«Խմբային փուլում մենք բոլորովին այլ խաղ տեսանք ՊՍԺ-ի դեմ մեր մարզադաշտում։ Շատ բաց հանդիպում էր, որում մենք մի փոքր մոտ էինք հաղթանակին։ Փարիզցիներն այժմ իրենց խաղի բարձունքում են, և մենք պետք է ավելի լավ հանդես գանք, քան այն ժամանակ։ Մենք վստահ ենք, որ ցույց կտանք, որ ավելի ուժեղ ենք դարձել։
ՊՍԺ-ին կանգնեցնելը հեշտ չէ։ Կարծում եմ՝ յուրաքանչյուր մրցակից փորձում է կանգնեցնել Կիլիան Մբապպեին, բայց դա միշտ չէ, որ ստացվում է։ Մենք պետք է պատրաստվենք ամեն ինչի։ Լավն այն է, որ մենք արդեն շատ բան ենք ապրել։
Մենք վաստակել ենք այս ճանապարհը՝ անցնելով դժվարին հակառակորդների միջով։ Պետք չէ շատ ջանք թափել, բայց պետք է վստահ լինել մեր ուժերի վրա։ Մենք նրանց հաղթելու ծրագիր ունենք։ Սրանք երկու փակ խաղեր են լինելու»,- մամուլի ասուլիսի ժամանակ ասել է Թերզիչը։
«Բորուսիա» – ՊՍԺ առաջին հանդիպումը կկայանա մայիսի 1-ին։
