«Չելսիի» պաշտպան Տիագու Սիլվան այս մրցաշրջանի ավարտից հետո կհեռանա թիմից, հայտնում է The Standard-ը։
39-ամյա բրազիլացու պայմանագիրը լոնդոնյան ակումբի հետ ավարտվում է 2024 թվականի ամռանը։ Նա ավելի վաղ ասել էր, որ արդեն որոշում է կայացրել իր ապագայի վերաբերյալ։
Աղբյուրի համաձայն՝ ֆուտբոլիստի ծառայություններով հետաքրքրված է նրա նախկին ակումբը՝ «Ֆլումինենսեն»։
Այս մրցաշրջանում Սիլվան բոլոր մրցաշարերում մասնակցել է «Չելսիի» 32 հանդիպման և դարձել 4 գոլի հեղինակ։