«Մանչեսթեր Յունայթեդի» նախկին գլխավոր մարզիչ Օլե Գունար Սուլշերն ամփոփել է իր աշխատանքը անգլիական ակումբում։ Նա նշել է, որ պահանջները շատ են եղել, ինչը հոգնեցրել է ֆուտբոլիստներին։
«Ոմանք ուզում էին հեռանալ։ Ես զգացի, որ ինչ-որ բան պակասում էր իմ առաջին մրցաշրջանի վերջում, բայց իմ երկու ամբողջական մրցաշրջաններում մենք զբաղեցրինք երրորդ և երկրորդ տեղերը Պրեմիեր Լիգայում:
Չեմ կարծում, որ մենք բավականաչափ գումարներ ենք ստացել մեր լավ կազմակերպված հարձակման և պաշտպանության համար»,- Սուլշերի խոսքերն է մեջբերում Four Four Two-ն:
Սուլշերը «Մանչեսթեր Յունայթեդի» գլխավոր մարզիչն է եղել 2019-2021 թվականներին։ Նրա գլխավորությամբ ակումբը անցկացրել է 168 հանդիպում, որոնցից 92-ում հաղթել է, 35 անգամ ոչ-ոքի է խաղացել, 41 խաղում պարտվել է։
