Վրացի «Նապոլիի» վինգեր Խվիչա Կվարացխելիան «Ատալանտայի» հետ Ա Սերիայի 30-րդ տուրի խաղից առաջ չի մարզվել նեապոլցիների հիմնական խմբում ։ Այս մասին հայտնում է Sky Sport-ը X սոցիալական ցանցում (նախկինում՝ Twitter):
«Նապոլի» – «Ատալանտա» խաղը կկայանա այս շաբաթ օրը՝ մարտի 30-ին: Հանդիպումը տեղի կունենա Նեապոլի «Դիեգո Արմանդո Մարադոնա» մարզադաշտում 15։30-ին։
Ընթացիկ մրցաշրջանում Կվարացխելիան բոլոր մրցաշարերում անցկացրել է 37 հանդիպում, որոնցում դարձել է 10 գոլի և 5 գոլային փոխանցման հեղինակ։ Ֆուտբոլիստի պայմանագիրն իտալական ակումբի հետ ուժի մեջ է մինչև 2027 թվականի հունիսի վերջը։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 80 մլն եվրո։
