Լոնդոնի «Արսենալի» և Իսպանիայի հավաքականի նախկին ֆուտբոլիստ Սեսկ Ֆաբրեգասը կիսվել է «Լիվերպուլի» պաշտպան Վիրջիլ վան Դեյքի մասին իր մտքերով:
«Վան Դեյքը կարող է նվաճել «Ոսկե Գնդակը»։ Նա «Լիվերպուլում» ցույց է տալիս առաջնորդի որակներ: Իր խելացիության շնորհիվ Վիրջիլը կարողանում է վերահսկել հանդիպման յուրաքանչյուր պահը։
Օրինակ՝ Հոլանդի հետ դիմակայության ժամանակ անհրաժեշտ է մեծ անհատականություն և ֆուտբոլային խելք»,- իսպանացու խոսքերն է փոխանցում BR Sport-ը։
Այս մրցաշրջանում հոլանդացի պաշտպանը մասնակցել է Լիվերպուլի 36 հանդիպման։ Վան Դեյքը խփել է 4 գոլ և դարձել 2 գոլային փոխանցման հեղինակ:
