«Արսենալի» կիսապաշտպան Ժորժինյոն մրցաշրջանի ավարտից հետո կարող է դառնալ ազատ գործակալ։
Իտալացին շահագրգռված է շարունակել համագործակցությունը «զինագործների» հետ, սակայն դեռևս կոնկրետ առաջարկ չի ստացել իր ակումբից։ Ինչպես հաղորդում է Sport-ը, 32-ամյա խաղացողը հոգնել է սպասել, որ «Արսենալը» կսկսի իր հետ նոր պայմանագրի շուրջ քննարկումները։
«Բարսելոնան» շարունակում է մնալ կիսապաշտպանի հավակնորդներից մեկը, որը պատրաստ է լրջորեն դիտարկել ֆուտբոլիստի հետ պայմանագիր կնքելու հնարավորությունը, եթե նրան չհաջողվի համաձայնության գալ լոնդոնցիների հետ։
Ժորժինյոն «Արսենալում» է հանդես գալիս նախորդ տարվա հունվարից։ Այս մրցաշրջանում հենակետային կիսապաշտպանը Միկել Արտետայի թիմի կազմում անցկացրել է 28 հանդիպում՝ դառնալով մեկ գոլի և մեկ գոլային փոխանցման հեղինակ։
