«Լիվերպուլի» նախկին ֆուտբոլիստ Գրեմ Սոնեսը խոսել է կիսապաշտպան Պոլ Պոգբայի մասին։ Վերջերս ֆրանսիացին չորս տարվա որակազրկում է ստացել դոպինգի համար։
«Ես հիասթափված էի Պոգբայից, քանի որ նա ուներ հսկայական տաղանդ և ֆիզիկական որակ, բայց ուներ սարսափելի վերաբերմունք: Նա բավականաչափ չաշխատեց։
Ամենավատ բանը, որ կարող էր պատահել նրա հետ, երիտասարդ տարիներին աշխարհի առաջնությունում հաղթելն էր: Սա թույլ տվեց նրան ամուր նստել հսկայական, հարմարավետ աթոռին։ Նա այլևս հակված չէր ջանասիրաբար մարզվելու։
Ինձ դուր չի գալիս այն, ինչ կատարվեց նրա հետ, քանի որ նա աներևակայելի տաղանդավոր էր: Նա ամեն ինչ ուներ համաշխարհային ֆուտբոլի մեծագույն կիսապաշտպաններից մեկը դառնալու համար։ Բայց, ցավոք, նա կհիշվի դոպինգի իր պատմությամբ»,- ասել է Սոնեսը The Telegraph-ին տված հարցազրույցում։
