Մադրիդի «Ատլետիկոյի» և Հոլանդիայի հավաքականի հարձակվող Մեմֆիս Դեպայը օգնել է Դանի Ալվեսին ազատ արձակել բանտից՝ 1 միլիոն եվրոյի չափով գրավի դիմաց, հայտնում է քաթարցի ինսայդեր Մաբխութ Ալ-Մարին սոցիալական ցանցերում։
Փետրվարի 22-ին Բրազիլիայի հավաքականի նախկին ֆուտբոլիստը մեղավոր է ճանաչվել գիշերային ակումբում մի աղջկա նկատմամբ սեռական ոտնձգություն կատարելու մեջ և դատապարտվել չորսուկես տարվա ազատազրկման։
Անցյալ շաբաթ դատարանը համաձայնեց Ալվեսին ազատ արձակել կալանքի տակ մինչև դատավճռի բողոքարկման որոշումը և 1 միլիոն եվրոյի չափով գրավ սահմանեց: Հաղորդվում էր, որ Նեյմարի հայրը կտրամադրի գումարը, բայց ի վերջո նա հրաժարվեց դա անել:
Ալվեսը երկուշաբթի ազատ է արձակվել Դեպայի գրավի դիմաց: Ֆուտբոլիստները միասին խաղացել են «Բարսելոնայում» 2021/22 մրցաշրջանում։
