«Բարսելոնայի» նախագահ Ժոան Լապորտան պատասխանել է այն հարցին, թե ինչպես է վերաբերվում Մադրիդի «Ռեալի» նախագահ Ֆլորենտինո Պերեսին։
«Այսօր մենք լավ հարաբերություններ չունենք «Ռեալի» հետ։ Պերեսը մասնակցել է «Նեգրեյրայի գործին»։ Նա խնդրեց երկարաձգել նախաքննությունը, թեև ապացույցներ չկան, և ոչինչ էլ չեն գտնի, քանի որ ոչինչ չկա։ Անցկացվել է տեխնիկական արբիտրաժային խորհրդակցություն՝ որպես ապացույց տրամադրված զեկույցներով և տեսանյութերով։
Բայց հետո նրանք գալիս են և փորձում են գործը ակտիվ պահել, որպեսզի կարողանան շարունակել ներկայացնել իրենց քարոզած գաղափարները, այն է, որ «Բարսան» փորձում է ազդել դատավորների վրա: Կարծում եմ, որ կրկնակի խաղը, որը նրանք խաղում են, սխալ է»,- Լապորտայի խոսքերն է մեջբերում Mundo Deportivo-ն։
Հիշեցնենք, որ «Բարսելոնան» նախկինում մեղադրվում էր Իսպանիայի ֆուտբոլի թագավորական ֆեդերացիայի մրցավարների տեխնիկական կոմիտեի նախկին փոխնախագահ Խոսե Նեգրեիրային մի քանի տարի կաշառք տալու մեջ։
