«Մանչեսթեր Սիթիի» պաշտոնական կայքը հայտնում է, որ վավերագրական ֆիլմաշարը, որը կրում է Together: Triple Winners անվանումը, կթողարկվի բացառապես Netflix-ով։
Սթրիմինգային ծառայությունը կթողարկի վավերագրական սերիալ՝ նվիրված 2022/23 մրցաշրջանին, երբ «Սիթին» նվաճեց թրեբլը՝ նվաճելով Պրեմիեր Լիգան, Անգլիայի Գավաթը և Չեմպիոնների Լիգան։
Վավերագրական ֆիլմը բաղկացած կլինի վեց մասից։ Սերիալը կթողարկվի ապրիլի 2-ին։
Սերիալը նկարահանվել է City Studios-ի անձնակազմի կողմից։
«Մանչեսթեր Սիթիի» գլխավոր մարզիչ Պեպ Գվարդիոլան մեկնաբանել է առաջիկա թողարկումը. «Թրեբլը իսկապես յուրահատուկ պահ է ակումբի համար։ Այս իրադարձության մեջ ներգրավված յուրաքանչյուր մարդ, ներառյալ մեր ֆուտբոլիստները, մարզիչները և անձնակազմը, ամեն օր քրտնաջան աշխատում էին այս արդյունքին հասնելու համար:
Ես այնքան հպարտ եմ, որ մենք շարունակում ենք պայքարել հաջողության, հաջորդ գավաթի, հաջորդ խաղի համար։ Մենք միշտ կհիշենք այս անհավանական պահը, և հուսով եմ, որ մեր երկրպագուները կհիշեն դա, երբ դիտեն սերիալը»:
