«Մանչեսթեր Յունայթեդի» նախկին պաշտպան Ռիո Ֆերդինանդը հայտնել է, որ «Արսենալի» գլխավոր մարզիչ Միկել Արտետան կհամաձայնի գլխավորել մանկունիանցիներին։

«Արտետան կհեռանա «Արսենալից»՝ հանուն «Մանչեսթեր Յունայթեդի»: Ոչ ոք չի ասում, որ դա տեղի կունենա, բայց եթե «Մանչեսթեր Յունայթեդը» խենթ երազում ասի. «Գիտե՞ս ինչ, Էրիկ տեն Հագ, շնորհակալ եմ», կամ Տեն Հագը տեղափոխվում է «Բավարիա», «Մանչեսթեր Յունայթեդը» ընտրում է Արտետային որպես իրենց գլխավոր թիրախ:

Այնուհետև Արտետան կասի «Արսենալի» ֆուտբոլիստներին. «Լսեք, տղաներ, զգացմունքային էր, բայց ես պետք է առաջ շարժվեմ, պետք է հեռանամ», – ասել է Ֆերդինանդը իր FIVE ալիքում:

41-ամյա իսպանացին «Արսենալը» գլխավորում է 2019 թվականից։ 26 տուրից հետո «զինագործները» 58 միավորով Պրեմիեր Լիգայի երրորդ տեղում են։ «Մանչեսթեր Յունայթեդը» (44 միավոր) մրցաշարային աղյուսակում վեցերորդն է։