«Արսենալի» գլխավոր մարզիչ Միկել Արտետան գնահատել է ՊՍԺ-ի հարձակվող Կիլիան Մբապպեի՝ իր թիմին միանալու հնարավորությունները։
Հիշեցնենք, որ ֆրանսիացին ավելի վաղ հայտնել էր փարիզցիների ղեկավարությանը, որ մրցաշրջանի ավարտից հետո անպայման կլքի ակումբը ազատ գործակալի կարգավիճակով։
«Երբ խոսքը վերաբերում է այս տրամաչափի խաղացողին, մենք միշտ պետք է ներգրավված լինենք խոսակցության մեջ։ Սակայն, ամենայն հավանականությամբ, Կիլիանը կշարժվի այլ ուղղությամբ»,- ասել է Արտետան մամուլի ասուլիսում։
Մբապպեի տրանսֆերի ֆավորիտը այս պահին Մադրիդի «Ռեալն» է, որը երկար ժամանակ փորձում է ձեռք բերել ֆուտբոլիստին։
