«Բավարիայի» գլխավոր մարզիչ Թոմաս Տուխելը Չեմպիոնների Լիգայի «Լացիոյի» հետ արտագնա հանդիպումից առաջ խոսել է Հարի Քեյնի վատ խաղի մասին «Բայերի» հետ վերջին խաղում, որին մյունխենցիները պարտվեցին 0-3 հաշվով։
«Շատ հազվադեպ է պատահում, որ Քեյնը այդքան քիչ է դիպչում գնդակին, քանի որ նրա ուժեղ կողմերից մեկը խորը ընկնելն է և մասնակցել գնդակի խաղին: Անկեղծ ասած, մեր կազմավորումը նախատեսված էր հատուկ նրա համար, բայց մենք լիովին չկարողացանք օգտագործել նրան։ Մեր գրոհը հաճախ կոտրվում էր «Բայերի» կոմպակտ պաշտպանության պատճառով: Մենք ցանկանում ենք, որ Հարրին ավելի շատ շփվի գնդակի հետ։ Համոզված եմ, որ Քեյնը կկարողանա արագ արձագանքել «Լացիոյի» հետ խաղում նման անհաջող արդյունքին»,- Տուխելի խոսքերն է մեջբերում Daily Mail-ը։
Նշենք, որ «Բայերի» հետ խաղում Քեյնը միայն մեկ հարված է կատարել Ալոնսոյի թիմի դեմ։
Ընթացիկ մրցաշրջանում «Բավարիայի» հարձակվողը ակումբի կազմում անցկացրել է 28 հանդիպում բոլոր մրցաշարերում, որոնցում խփել է 28 գոլ և կատարել 8 գոլային փոխանցում։
