Մադրիդի «Ռեալի» գլխավոր մարզիչ Կառլո Անչելոտտին Չեմպիոնների լիգայի 1/8-րդ եզրափակչի «Լայպցիգի» հետ առաջին հանդիպման նախօրեին գնահատել է թիմի մարզավիճակը։
«Մենք լավ մարզավիճակում ենք, մոտիվացված և լիցքավորված: Մեզ շատ է դուր գալիս Չեմպիոնների լիգան։ Մեզ սպասում է ուժեղ մրցակից՝ հմուտ և բարձր ինտենսիվությամբ, այնպես որ մենք պետք է կատարյալ խաղանք ինչպես պաշտպանությունում, այնպես էլ հարձակման գծում, և մենք այնտեղ իսկական վարպետներ ունենք։
Չգիտեմ՝ սա կարիերայիս լավագույն մրցաշրջանն է։ Արդյունքների առումով դա հնարավոր է։ Մենք ընդամենը երկու անգամ ենք պարտվել։ Ունենք ուժեղ, լուրջ, մոտիվացված թիմ՝ լավ մթնոլորտով։ Բոլորը նպաստում են. Հիմա լավ է: Մենք լավ վիճակում ենք մրցաշրջանի այս փուլում՝ հաշվի առնելով բոլոր դժվարությունները։ Ֆուտբոլիստների վարպետության շնորհիվ մենք կարողացանք հասնել մեր լավագույն մակարդակին։
Իմ մոտիվացիան միշտ բարձր է, քանի որ ինձ դուր է գալիս այն, ինչ և որտեղ եմ անում: Ինձ դուր է գալիս կազմը, ինձ դուր են գալիս իմ տրամադրության տակ գտնվող ֆուտբոլիստները:
Մադրիդցիների երկրպագուների համար Չեմպիոնների լիգան ամենակարևոր մրցաշարն է, քանի որ այստեղ մենք ամենաշատ հաջողություններն ենք ունեցել: Մենք կպայքարենք հաջողության համար և կսկսենք ուժեղ մրցակցի՝ «Լայպիգից»»,- Անչելոտտիի խոսքերն է մեջբերում Diario Sport-ը։
