Փետրվարի 10-ին «Բայերը» սեփական հարկի տակ 3։0 հաշվով հաղթեց «Բավարիային» Բունդեսլիգայի 21-րդ տուրի խաղում։ Խաղից հետո «Բավարիայի» գլխավոր մարզիչ Թոմաս Տուխելը իր վրա վերցրեց պարտության մեղքը։
«Խաղի տակտիկական մոտեցման պատասխանատվությունը ես եմ վերցնում և, բնականաբար, այսօր պետք է պատասխանատվություն կրեմ: Մենք մի ամբողջ շաբաթ ունեինք պատրաստվելու, և իմ գործն էր գաղափարներ հղել և համոզել խաղացողներին այս մոտեցման մեջ:
Ցավոք սրտի, այսօր դա չստացվեց, սա առաջին և ոչ վերջին անգամն է իմ մարզչական կարիերայում: Մենք լավ էինք պատրաստվել ամբողջ շաբաթվա ընթացքում և շատ բան էինք սպասում մեզնից, բայց ի վերջո դատարկաձեռն վերադառնում ենք տուն»,- Տուխելի խոսքերն է մեջբերում Bayern & Germany-ն։
Բունդեսլիգայի մրցաշարային աղյուսակում «Բավարիան» զիջում է առաջատար Լևերկուզենի «Բայերին»:
