Չորեքշաբթի օրը՝ փետրվարի 7-ին, Մադրիդի «Ռեալի» մարզմանը թիմի կենտրոնական պաշտպաններից ոչ մեկը չաշխատեց ընդհանուր խմբի հետ։ Այս մասին հայտնում է լրագրող Արանչա Ռոդրիգեսը X սոցիալական ցանցում (նախկինում՝ Twitter):
Աղբյուրի փոխանցմամբ՝ Անտոնիո Ռյուդիգերը աշխատել է անհատական ծրագրով, իսկ Նաչո Ֆերնանդեսը մարզվել է մարզասրահում։ Դավիդ Ալաբան և Էդեր Միլիտաոն շարունակում են ապաքինվել լուրջ վնասվածքներից՝ խաչաձև կապանների պատռվածքներից:
Նշվում է, որ Մադրիդի «Ռեալի» գլխավոր մարզիչ Կառլո Անչելոտտին, ըստ ամենայնի, պետք է կենտրոնական պաշտպանի դիրքում օգտագործի Դանի Կարվախալին (աջ պաշտպան) և Օրելիեն Չուամենիին:
Ներկայումս «Ռեալը» 23 տուրից հետո 58 միավորով գլխավորում է Իսպանիայի առաջնության մրցաշարային աղյուսակը: Ժիրոնան երկու միավորով հետ է մնում «Լոս Բլանկոսից»: 24-րդ տուրում թիմերի հանդիպումը կկայանա շաբաթ օրը՝ փետրվարի 10-ին։
