«Լիվերպուլը» հետաքրքրված է «Բարսելոնայի» երկու հարձակվողներով՝ Ռաֆինյայի և Անսու Ֆատիի ծառայություններով, հայտնում է Team Talk-ը։

Մերսիսայդցիները ցանկանում են ձեռք բերել այս խաղացողներից մեկին, եթե ամռանը թիմը լքի Մոհամեդ Սալահը:

2023/24 մրցաշրջանում Ռաֆինյան «Բարսելոնայի» կազմում անցկացրած 20 խաղում դարձել է 4 գոլի և 7 գոլային փոխանցման հեղինակ։ Transfermarkt-ը 27-ամյա բրազիլացու արժեքը գնահատում է 50 միլիոն եվրո։

Ֆատին այս մրցաշրջանում վարձավճարով խաղում է «Բրայթոնում»: 21-ամյա իսպանացին անգլիական թիմի կազմում անցկացրած 18 խաղում դարձել է 4 գոլի և 1 գոլային փոխանցման հեղինակ։ Transfermarkt-ը հարձակվողի արժեքը գնահատում է 30 միլիոն եվրո։