ՊՍԺ-ի ղեկավարությունը, հասկանալով, որ հարձակվող Կիլիան Մբապպեն ընթացիկ մրցաշրջանի ավարտից հետո կլքի ակումբը՝ Մադրիդի «Ռեալին» միանալու համար, ցանկություն է հայտնել, որ նա չհայտարարի իր որոշման մասին, քանի դեռ ֆրանսիական գրանդը չի ավարտել իր ելույթները Չեմպիոնների Լիգայում։ Այս մասին հաղորդում է Sport.es-ը։
Աղբյուրի համաձայն՝ ՊՍԺ-ի ղեկավարները չեն ցանկանում, որ այս լուրը բացասաբար ազդի թիմի ելույթների վրա Չեմպիոնների Լիգայում, մրցաշար, որն իրենց համար առաջնային է։
Հիշեցնենք, որ ավելի վաղ մամուլում տեղեկություն էր տարածվել, որ մադրիդյան ակումբի նախագահ Ֆլորենտինո Պերեսն արդեն տեղեկացրել էր մարզչական շտաբին, որ Մբապպեն թիմին կմիանա առաջիկա ամռանը։
Չեմպիոնների Լիգայի 1/8-րդ եզրափակչում ՊՍԺ-ն կխաղա «Ռեալ-Սոսյեդադի» հետ։
Այս մրցաշրջանում Մբապպեն բոլոր մրցաշարերում մասնակցել է 28 հանդիպման, որոնցում դարձել է 29 գոլի և 7 գոլային փոխանցման հեղինակ։
