Մոսկվայի «Լոկոմոտիվի» պաշտպան Նաիր Թիկնիզյանը շարունակում է մնալ Սանկտ Պետերբուրգի «Զենիթի» հետաքրքրությունների տիրույթում։

Ինչպես հայտնում են Championat-ի լրագրողները, «Զենիթը» չի հրաժարվել հայ ֆուտբոլիստի հետ պայմանագիր կնքելու մտքից։ Նրանք մտադիր են շարունակել բանակցային գործընթացը «երկաթուղայինների» հետ։

Միաժամանակ Թիկնիզյանը չի ցանկանում բանակցել ՌՊԼ-ի չեմպիոնի հետ։ Ֆուտբոլիստի համար տրանսֆերային հարցն այժմ փակված է։ Ընթացիկ մրցաշրջանում 24-ամյա պաշտպանը 16 հանդիպում է անցկացրել։ Նաիրը դարձել է վեց գոլի և երկու գոլային փոխանցման հեղինակ։