«Մանչեսթեր Սիթիի» հարձակվող Էրլինգ Հոլանդը գտել է գլխավոր պատճառը, թե ինչու պետք է տեղափոխվի Մադրիդի «Ռեալ»։
Ինչպես տեղեկացնում է Diario AS-ը, նորվեգացին կարծում է, որ միայն «Սանտյագո Բեռնաբեու» տեղափոխությունն իրեն կօգնի ապագայում նվաճել ամենահեղինակավոր անհատական մրցանակները, այդ թվում՝ «Ոսկե գնդակը»:
Հիշեցնենք, որ Հոլանդի պայմանագրում «Մանչեսթեր Սիթիի» հետ նախատեսված է փոխհատուցման չափ, սակայն հստակ արժեքը դեռևս հայտնի չէ։ Մադրիդի «Ռեալը» հաջորդ ամառ կարող է փորձել գնել Էրլինգին։
Ընթացիկ մրցաշրջանում Հոլանդը Պրեմիեր Լիգայի 15 խաղում դարձել է 14 գոլի հեղինակ: Էրլինգը վնասվածքի պատճառով բաց է թողել մի քանի խաղ։
