Իսպանական Sport.es-ը ներկայացրել է կատալոնական «Բարսելոնայի» գլխավոր մարզչի պաշտոնում Չավիին փոխարինելու հավակնորդներից բաղկացած հինգ թեկնածուների ցուցակը։
«Բարսելոնայի» գլխավոր մարզչի պաշտոնում Չավիին փոխարինելու թեկնածուները՝ ըստ Sport.es-ի.
- Տիագո Մոտա (Բոլոնիայի գլխավոր մարզիչ);
- Ռաֆայել Մարկես (Բարսելոնա Բ-ի մարզիչ);
- Ջովանի վան Բրոնկհորստ (Ռեյնջերսի նախկին մարզիչ);
- Միշել Սանչես (Ժիրոնայի գլխավոր մարզիչ);
- Իմանոլ Ալգուասիլ (Ռեալ-Սոսյեդադի գլխավոր մարզիչ)։
Հիշենք, որ երեկ Լա Լիգայում «Վիլյառեալից» կրած պարտությունից հետո (3-5) Չավին այս մրցաշրջանի ավարտից հետո հայտարարեց «Բարսելոնայի» գլխավոր մարզչի պաշտոնից հեռանալու մասին։
Մասնագետը թիմը գլխավորում է 2021 թվականի նոյեմբերից։ Նրա գլխավորությամբ կատալոնական ակումբը նվաճեց երկու գավաթ՝ Իսպանիայի առաջնությունը և Իսպանիայի Սուպերգավաթը։
