«Բրայթոնի» գլխավոր մարզիչ Ռոբերտո Դե Զերբին Չավիի հեռանալուց հետո «Բարսելոնայի» գլխավոր մարզչի հիմնական թեկնածուն է, հայտնում է Daily Mail-ը։

Աղբյուրի համաձայն՝ այդ պաշտոնին հավակնում են նաև Ռաֆայել Մարկեսը, ով աշխատում է «Բարսայի» երիտասարդական թիմում և Խուլեն Լոպետեգին, ով չի աշխատել 2023 թվականի օգոստոսին «Վուլվերհեմփթոնից» հեռացվելուց հետո։

Հիշեցնենք, որ Չավին հայտարարել է, որ կհեռանա «Բարսելոնայից» 2023/24 մրցաշրջանի ավարտից հետո։

«Բարսելոնան» Իսպանիայի առաջնության մրցաշարային աղյուսակում 21 հանդիպումից 44 միավորով երրորդն է։ Կատալոնացիները առաջատար «Ռեալին» զիջում են 10 միավորով։