«Լիվերպուլի» նախկին ֆուտբոլիստ Ջեյմի Կարագերը խոսել է թիմի գլխավոր մարզիչ Յուրգեն Կլոպի հավանական փոխարինողի մասին։
«Հենց հիմա, եթե նայեք Պրեմիեր Լիգային և Եվրոպային և մտածեք, թե ով է ճիշտ «Լիվերպուլի» համար, կասկած չկա, որ դուք չեք կարող փախչել Խաբի Ալոնսոյից՝ իմ նախկին խաղընկերոջից: Նա կարծես եվրոպական ֆուտբոլի, թերեւս, ամենավառ երիտասարդ մարզիչն է, դրանում կասկած չկա:
«Լիվերպուլում» նա մեծ հարգանք է վայելում այն ամենի համար, ինչ նա արել է որպես ֆուտբոլիստ, նա Չեմպիոնների Լիգայի հաղթող է և հաղթել է նաև Աշխարհի առաջնությունում: Նա խաղացել է այնպիսի մարզիչների մոտ, ինչպիսիք են Ռաֆա Բենիտեսը, Ժոզե Մոուրինյոն և Կառլո Անչելոտտին։ Տեսեք, թե ինչ է անում Խաբի Ալոնսոն Լևերկուզենի «Բայերում», որը մրցում է Մյունխենի «Բավարիայի» հետ»,- Կարագերի խոսքերն է մեջբերում Sky Sports-ը։
