Դատավոր Խոակին Ագիրեն, ով աշխատում է Խոսե Նեգրեյրայի գործով, կանչել է Իսպանիայի թագավորական ֆուտբոլի ֆեդերացիայի մրցավարական հանձնաժողովի նախկին փոխնախագահին՝ որպես մեղադրյալ ցուցմունք տալու, հայտնում է AS-ը։
Նշվում է, որ Նեգրեիրան կարողանում է ցուցմունք տալ՝ չնայած առողջական որոշ խնդիրներին։ Հիշեցնենք, որ ավելի վաղ տեղեկություններ էին հայտնվել, որ Խոակին Ագիրեն ապացույցների բացակայության պատճառով որոշել է ավարտել «Բարսելոնայի» դեմ սպորտային կոռուպցիայի հետաքննությունը։
«Բարսելոնան» մեղադրվում էր Նեգրեյրային մի քանի տարի վճարելու մեջ՝ Լա Լիգայի մրցավարներին ստիպելու որոշումներ կայացնել «բլաուգրանայի» օգտին: Ի պատասխան այս մեղադրանքների՝ կատալոնացիները նշել են, որ Նեգրեիրան իրենց համար միայն տեխնիկական հաշվետվություններ է կազմել, որոնք վերաբերում են երիտասարդ իսպանացի խաղացողներին և մրցավարության որոշ ասպեկտներին։
