«Ինտերի» կենտրոնական պաշտպան Ալեսանդրո Բաստոնին ռիսկի է դիմում բաց թողնել Իտալիայի Սուպերգավաթի եզրափակիչ հանդիպումը։ Այս մասին հայտնում է Football Italia-ն։

Աղբյուրի տեղեկություններով՝ կիրակի օրը՝ հունվարի 21-ին, պաշտպանության խաղացողը վնասվածքի պատճառով չի կարողացել ավարտել թիմի մարզումը։ Որոշ վարժությունների ժամանակ պաշտպանը անհարմարություն է զգացել։

Սուպերգավաթի եզրափակչում «Ինտերը» կմրցի «Նապոլիի» հետ։ Խաղը կկայանա երկուշաբթի՝ հունվարի 22-ին։ Խաղը կմեկնարկի Երևանի ժամանակով 23:00-ին։