«Միլանի» դարպասապահ Մայք Մանյանը պատմել է միջադեպի մանրամասները, որի պատճառով մրցավարը ստիպված է եղել ընդհատել Ա Սերիայի 21-րդ տուրի հանդիպումը, որում միլանյան ակումբը 3-2 հաշվով հաղթել է «Ուդինեզեին»։
«Առաջին խաղակեսում, երբ պատրաստվում էի գնդակը շպրտել դարպասից, իմ հասցեին «կապիկ» բղավոցներ լսեցի, բայց ընդհանրապես չարձագանքեցի։ Հետո նորից արեցին։ Ես դիմեցի չորրորդ պաշտոնյային և բացատրեցի կատարվածը։ Սա առաջին անգամը չէ, որ տեղի է ունենում, մենք պետք է կարեւոր ուղերձ, ազդանշան հղենք։
Այս պահին չեմ ուզում խոսել այն մարդկանց հետ, ովքեր դա արել են, դա անօգուտ է։ Որպեսզի օգնեմ բոլոր խաղացողներին, ովքեր տուժել են այնպես, ինչպես ես, մեղավորները պետք է պատժվեն։ Տգետ են, պետք է տանը մնան։ «Ռեալի» երկրպագուները գալիս են մարզադաշտ՝ ուրախանալու։ Սա չպետք է տեղի ունենա ֆուտբոլում։
Սկզբում չէի ցանկանում վերադառնալ խաղադաշտ, բայց մեր ակումբը հիանալի է, մենք հիանալի թիմ ունենք։ Բոլորը հետևեցին ինձ, իսկ հետո մենք խաղադաշտ դուրս եկանք՝ հաղթելու համար: Երեք միավոր վաստակելը ճիշտ արձագանքն է այս իրավիճակին:
Դատախազությունը պետք է լուրջ մոտենա այս խնդրի լուծմանը, քանի որ երբեմն չի գործում։ Սակայն մենք՝ խաղացողներս, չպետք է լռենք այս մասին»,- դարպասապահի խոսքերն է մեջբերում Relevo-ն։
Հիշեցնենք, որ ֆրանսիացին դատավորին բողոքել էր «Ուդինեզեի» երկրպագուների կողմից իր հասցեին ուղղված ռասիստական վիրավորանքների համար։ Ֆուտբոլիստը գնաց տրիբունայի սենյակ՝ չցանկանալով շարունակել խաղը, սակայն թիմակիցները նրան համոզել են վերադառնալ։ Հանդիպումը դադարեցվել է հինգ րոպեով, ապա շարունակվել։
