«Ռոմայի» նոր գլխավոր մարզիչ Դանիելե Դե Ռոսին պատասխանել է այն հարցին, թե արդյոք շփվե՞լ է մարզիչ Ժոզե Մոուրինյոյի հետ, ով գլխավորում էր հռոմեական ակումբը մինչ իտալացու նշանակումը։
«Ես նրան հաղորդագրություն ուղարկեցի, և ես դա չարեցի, քանի որ ստիպված էի, այլ որովհետև ես իսկապես ուզում էի: Նա առաջիններից էր, ով ինձ գրեց, երբ ես պայմանագիր ստորագրեցի ՍՊԱԼ-ի հետ: Ճիշտ էր։
Չգիտեմ՝ նա հոգնե՞լ է թիմը մարզելուց: Դուք պետք է հարցնեք նրան այս մասին: Ամենայն հարգանքով՝ սա ինձ չի էլ հետաքրքրում։ Ես պարզապես պետք է կենտրոնանամ այն բանի վրա, ինչ կարող եմ փոխել»,- Դե Ռոսիի խոսքերն է մեջբերում «Ռոմայի» պաշտոնական կայքը։
Հիշեցնենք, որ Մոուրինյոյի հեռացման մասին հայտարարվել էր անցյալ երեքշաբթի՝ հունվարի 16-ին։
Դե Ռոսին ՍՊԱԼ-ը գլխավորել է 2022-ից 2023 թվականներին։
Այսօր՝ հունվարի 20-ին, Դե Ռոսին առաջին հանդիպումը կանցկացնի «Ռոմայի» գլխավոր մարզչի պաշտոնում։ Հռոմեական ակումբը կխաղա «Վերոնայի» հետ։
