ՊՍԺ-ն հետաքրքրված է «Նյուքասլի» կիսապաշտպան Բրունու Գիմարայեշի ծառայություններով և պատրաստ է նրա համար վճարել 115 միլիոն եվրո, հայտնում է Sport.es-ը։
Ըստ աղբյուրի՝ տրանսֆերով հետաքրքրված է անձամբ ՊՍԺ-ի գլխավոր մարզիչ Լուիս Էնրիկեն։ Նշվում է, որ «Նյուքասլը» չի ցանկանում բաժանվել ֆուտբոլիստից։
26-ամյա ֆուտբոլիստը հոկտեմբերին երկարաձգել է պայմանագիրը «Նյուքասլի» հետ։ Բրազիլացու նոր համաձայնագիրը նախատեսված է մինչև 2028 թվականը:
Ընթացիկ մրցաշրջանում Գիմարայեշը անցկացրել է 28 հանդիպում, դարձել 1 գոլի և 3 գոլային փոխանցման հեղինակ։