Մադրիդի «Ռեալը» պատրաստ է ցնցող տրանսֆեր կատարել՝ հրավիրելով թուրքական «Գալաթասարայի» հարձակվող Մաուրո Իկարդիին։ Marca-ի տեղեկություններով՝ «արքայական ակումբը» լրջորեն քննարկում է արգենտինացու տրանսֆերը։
Հիշեցնենք, որ Իկարդին իր երկրորդ մրցաշրջանն է անցկացնում «Գալաթասարայում», սակայն թուրքական թիմը միայն անցած ամառ է վերջնականացրել տրանսֆերը մշտական հիմունքներով։ Մինչ այս ֆուտբոլիստը վարձավճարով հանդես էր գալիս «Գալաթասարայի» կազմում։
Ընթացիկ մրցաշրջանում Իկարդին անցկացրել է 15 հանդիպում, որտեղ դարձել է 12 գոլի և 5 գոլային փոխանցման հեղինակ։ Հիշեցնենք, որ ամռանը Կարիմ Բենզեմայի հեռանալուց հետո Մադրիդի «Ռեալը» նոր հարձակվող չգնեց։
