«Պալմեյրասի» 17-ամյա ֆուտբոլիստ Էնդրիկը, ով 2024 թվականի ամռանը կդառնա «Ռեալի» խաղացող, խոսել է մադրիդյան ակումբում իր նպատակների մասին։

««Ռեալի» հետ ես կցանկանայի նվաճել Չեմպիոնների Լիգայի հինգ գավաթ։ Իսկ Իսպանիայի առաջնությունում ես մտադիր եմ նվազագույնը 10 անգամ հաղթել։

Մանկուց երազել եմ խաղալ «Ռեալում»։ Դա տեղի է ունեցել հիմնականում այն ​​բանի շնորհիվ, որ հայրս միշտ երկրպագում էր մադրիդյան ակումբին, և ինձ միշտ դուր էր գալիս նրանց խաղը»,- Էնդրիկի խոսքերն է մեջբերում The Athletic-ը։

Անցած մրցաշրջանում «Պալմեյրասը» դարձավ Բրազիլիայի չեմպիոն՝ 38 խաղում վաստակելով 70 միավոր։ Էնդրիկը բոլոր պաշտոնական մրցաշարերում իր թիմի կազմում մասնակցել է 53 հանդիպման, որոնցում դարձել է 14 գոլի և մեկ գոլային փոխանցման հեղինակ։