Գերմանական սպորտային սարքավորումների Puma ընկերությունը որոշել է դադարեցնել Իսրայելի հավաքականի հովանավորությունը՝ ելնելով ֆինանսական նկատառումներից։ Այս մասին հայտնում է Financial Times-ը՝ թերթի կողմից ձեռք բերված ներքին ընկերության ծանուցմանը հղումով։

Puma-ի ղեկավարությունը որոշել է դադարեցնել համագործակցությունը իսրայելական թիմի հետ մեկ տարի առաջ, դա կապ չունի սպառողների կողմից ընկերության բոյկոտի կոչերի հետ Գազայի հատվածում հակամարտությունների ֆոնին։ Ընկերությունը չի երկարաձգի Իսրայելի ֆուտբոլային ասոցիացիայի հետ ժամկետանց պայմանագիրը և 2024 թվականից կդադարեցնի թիմին համազգեստ տրամադրել։ Puma-ն որոշել է դադարեցնել իր հովանավորությունը Իսրայելի հավաքականին ֆինանսական պատճառներով՝ որպես նոր մարքեթինգային ռազմավարության մաս, ինչպես նաև Իսրայելի փոքրաթիվ բնակչության պատճառով շուկայի սահմանափակ լինելու պատճառով։

Բացի այդ, արտադրողը կդադարեցնի իր համագործակցությունը որոշ այլ ազգային թիմերի հետ՝ կոմերցիոն պատճառներով կամ գործընկերության երկարաձգման պայմանների շուրջ տարաձայնությունների պատճառով: Մասնավորապես, դա վերաբերում է Սերբիայի հավաքականին։ Միաժամանակ Puma-ն շուտով կհայտարարի հայտնի թիմի հետ նոր համագործակցության մասին։

Puma-ն և Իսրայելի ֆուտբոլային ասոցիացիան համագործակցում են 2018 թվականից։