Մյունխենի «Բավարիայի» վինգեր Ջամալ Մուսիալան մտածում է ակումբային գրանցումը փոխելու մասին, այս մասին հայտնում են Todofichajes-ի լրագրողները։
Ինչպես հայտնի է դարձել աղբյուրին, 20-ամյա ֆուտբոլիստը կցանկանար կարիերան շարունակել Մադրիդի «Ռեալում»։ Ջամալն ակնկալում է, որ հաջորդ ամառ կտեղափոխվի «արքայական» ակումբ։ Ֆուտբոլիստի պոտենցիալ տրանսֆերի գումարը գնահատվում է 110 մլն եվրո։
Բունդեսլիգայի ընթացիկ առաջնությունում Մուսիալան անցկացրել է ութ հանդիպում, որոնցում դարձել է երկու գոլի և երկու գոլային փոխանցման հեղինակ։ Վինգերի գործող պայմանագիրը «Բավարիայի» հետ նախատեսված է մինչև 2026 թվականի կեսերը:
