Սաուդյան Արաբիայի առաջնության տեխնիկական տնօրեն Մայքլ Էմենալոն խոսել է արգենտինացի հարձակվող Լիոնել Մեսսիի՝ մրցաշարի թիմերից մեկը հնարավոր տեղափոխության մասին։
«Եթե ապագայում նա որոշի տեղափոխվել մեզ մոտ, մենք միայն ուրախ կլինենք։ Եթե Լեոն ցանկանա շարունակել ելույթները MLS-ում, մենք կընդունենք նրա ընտրությունը։ Մեր լիգան բաց է ցանկացած ֆուտբոլային աստղի համար»,- ասել է Էմենալոն Guardian-ին։
Մեսսին ազատ գործակալի կարգավիճակով այս ամառ է տեղափոխվել «Ինտեր Մայամի»: Մինչ այդ նա խաղացել է ՊՍԺ-ում և «Բարսելոնայում»։ Ֆուտբոլիստը պայմանագիր է ստորագրել ամերիկյան ակումբի հետ, որը նախատեսված է մինչև 2025 թվականի ավարտը։
