«Չելսիի» գլխավոր մարզիչ Մաուրիսիո Պոչետինոն կրկին դժգոհել է կադրային խնդիրներից։
«Ես գոհ եմ իմ թիմից, բայց մենք պետք է գործ ունենանք անսպասելի վնասվածքների հետ, ինչը խնդիր է: Վաղը կտեսնեք, թե ակադեմիայի քանի երիտասարդ տղա կադրային իրավիճակի պատճառով կընդգրկվի հայտացուցակում։
Առանց Գալագերի և Ուգոչուկվուի կիսապաշտպանությունում լուրջ փոփոխություններ չեն լինի: Եթե տեսնեք հասանելի կազմը, դժվար չի լինի գուշակել մեկնարկային կազմը: Ես շատ տարբերակներ չունեմ, բայց ուրախ եմ և վստահ, որ մենք լավ հանդիպում կանցկացնենք»,- մամուլի ասուլիսի ժամանակ ասել է Պոչետինոն։