Անգլիական երկու թոփ ակումբներ իրենց հայացքը սևեռել են «ՌԲ Լայպցիգի» հարձակվող Լուի Օփենդայի վրա, ով անցած ամառ «Լանսից» տեղափոխվելուց հետո իր նորամուտի մրցաշրջանն է անցկացնում Բունդեսլիգայում:
Լրագրող Սաշա Տավոլիերիի տեղեկությունների համաձայն՝ 23-ամյա բելգիացու ծառայություններով հետաքրքրված է «Նյուքասլը» և «Լիվերպուլը»:
Օփենդան լավ սկսեց իր առաջին մրցաշրջանը Գերմանիայի առաջնությունում՝ 13 տուրերում դառնալով 10 գոլի և 3 գոլային փոխանցման հեղինակ։ Անցած մրցաշրջանում Լուին դարձավ Ֆրանսիայի առաջնության լավագույն ռմբարկուներից մեկը՝ 38 խաղում դառնալով 21 գոլի հեղինակ։
