«Չելսին» որոշել է շարունակել ներդրումներ կատարել թիմի կազմն ուժեղացնելու համար: Ինչպես տեղեկացնում է TodoFichajes-ը, լոնդոնյան ակումբը ցանկանում է պաշտպանության ձախ եզրում պայմանագիր կնքել Թեո Էրնանդեսի հետ։
Ֆրանսիացին այժմ իրեն հարմարավետ է զգում «Միլանում», սակայն չի բացառում, որ կարող է հանդես գալ հեղինակավոր Պրեմիեր Լիգայում։
Transfermarkt-ը ֆուտբոլիստին գնահատում է 60 միլիոն եվրո։ Ընթացիկ մրցաշրջանում Էրնանդեսը 15 պաշտոնական հանդիպում է անցկացրել տարբեր մրցաշարերում։ Դրանցում 26-ամյա ֆրանսիացին երկու գոլ է խփել և երկու գոլային փոխանցում կատարել։
