«Բարսելոնայի» նախկին պաշտպան Կառլես Պույոլը կարծում է, որ «բլաուգրանայի» լավագույն ֆուտբոլիստը այս պահին կիսապաշտպան Գավին է։

««Բարսելոնայի» լավագույն ֆուտբոլիստը այժմ, իմ կարծիքով, Գավին է, նա մեր սանն է։ Ինձ դուր է գալիս նրա խաղաոճը, բնավորությունը, կիրքը, նա ինքնավստահ է»,- ասել է Պույոլը YouTube-ի «BALL Shorts» ալիքի մի դրվագում։

Հիշեցնենք, որ «Բարսելոնայի» և Իսպանիայի հավաքականի կիսապաշտպան Գավին վնասել էր ծնկի խաչաձև կապանն ու կողային մենիսկը։ Այս մրցաշրջանում Գավին 15 հանդիպում է անցկացրել «բլաուգրանայի» կազմում, որից 13-ը՝ մեկնարկային կազմում։ Անցած մրցաշրջանում իսպանացի կիսապաշտպանը Լա Լիգայում «Բարսելոնայի» կազմում անցկացրել է 36 հանդիպում՝ դառնալով 2 գոլի և 4 գոլային փոխանցման հեղինակ։