«Կրասնոդարի» առաջատար Էդուարդ Սպերցյանը հայտնվել է Թուրինի «Յուվենտուսի» տրանսֆերային ցուցակում։ «Ծեր սինյորան» պայմանագիր կկնքի հայ ֆուտբոլիստի հետ, եթե նրանք չկարողանան պայմանավորվել Դոմենիկո Բերարդիի տրանսֆերի շուրջ։
Ինչպես հայտնում է Sky Sport-ը, Սպերցյանի հնարավոր տրանսֆերը իտալական գրանդի վրա կարժենա 15 միլիոն եվրո: Էդուարդի ծառայություններով անձամբ հետաքրքրված է թուրինյան թիմի մարզիչ Մասիմիլիանո Ալեգրին։
23-ամյա կիսապաշտպանի պայմանագիրը կրասնոդարյան ակումբի հետ նախատեսված է մինչև 2025/26 մրցաշրջանի ավարտը։ ՌՊԼ-ի ընթացիկ մրցաշրջանում Սպերցյանը անցկացրել է 15 հանդիպում, խփել 7 գոլ և կատարել 1 գոլային փոխանցում։
