«Միլանի» նախկին կիսապաշտպան Կևին-Պրինս Բոատենգը խոսել է իր նախկին թիմակցի՝ Մարիո Բալոտելիի մասին։

«Ես սիրում եմ Բալոտելիին և կարծում եմ, որ նա կարող էր երեք «Ոսկե գնդակ» նվաճել: Նրան պարզապես պետք էր այնպիսի մարդ, ինչպիսին ես եմ, ով կկարողանար ուղղորդել նրան ճիշտ ճանապարհով:

Ո՞ւմ կնախընտրեմ, եթե ընտրեմ Բալոտելիի և Լեաուի միջև։ Ռաֆան շատ ուժեղ է, բայց Մարիոն այլ մակարդակի վրա էր: Նա ֆենոմեն էր ու աշխարհին ցույց տվեց, թե ինչի է ընդունակ։ Ես խաղացի նրա հետ և մարզումների ժամանակ տեսա, թե ինչ կարող է նա անել, երբ լուրջ է տրամադրված։

Սակայն ամեն ֆուտբոլիստ չէ, որ կարող է երկար տարիներ խաղալ թոփ մակարդակում։ Բալոտելլին ինձ համար բարձրակարգ խաղացող էր՝ աշխարհի լավագույն հնգյակի հարձակվողներից մեկը։ Միակն, ով մոտեցավ Իբրահիմովիչին վարպետությամբ, Մարիոն էր»,- Բոատենգի խոսքերն է մեջբերում Calciomercato-ն։

Բալոտելին ներկայումս հանդես է գալիս «Ադանա Դեմիրսպոր» թիմում։ Հարձակվողի պայմանագիրը թուրքական ակումբի հետ ուժի մեջ է մինչև 2024 թվականի հունիսի վերջը։