ՊՍԺ-ի հարձակվող Ուսման Դեմբելեն ձմեռային տրանսֆերային պատուհանի ժամանակ կարող է հեռանալ փարիզյան թիմից։ Նրա ծառայություններով հետաքրքրված են Պրեմիեր Լիգայի մի քանի ակումբներ։

Ինչպես հայտնում է Todofichajes-ը, երեք ակումբներ պլանավորում են պայմանագիր կնքել ֆրանսիացու հետ։ Խոսքը «Արսենալի», «Չելսիի» և «Նյուքասլի» մասին է։

26-ամյա ֆուտբոլիստը ՊՍԺ-ի շարքերը համալրել է ամառային տրանսֆերային պատուհանի ժամանակ՝ տեղափոխվելով կատալոնական «Բարսելոնայից» 50 միլիոն եվրոյի դիմաց։ Ֆուտբոլիստի ներկայիս արժեքը գնահատվում է 60 միլիոն եվրո։

Լիգա 1-ի ընթացիկ մրցաշրջանում Դեմբելեն անցկացրել է 10 հանդիպում, որոնցում դարձել է երեք գոլային փոխանցման հեղինակ։ Նրա պայմանագիրը նախատեսված է մինչև 2028 թվականի կեսերը։