«Չելսին» հետաքրքրված չէ «Արսենալի» դարպասապահ Աարոն Ռամսդեյլի ծառայություններով։ Այս մասին հայտնում է լրագրող Ֆաբրիցիո Ռոմանոն։
Աղբյուրի համաձայն՝ լոնդոնյան ակումբը դեռ չի պատրաստվում ամրապնդել դարպասապահի դիրքը և ձմեռային տրանսֆերային պատուհանի ընթացքում նպատակ կունենա այլ ֆուտբոլիստների հետ պայմանագիր կնքել։
Այս մրցաշրջանում 25-ամյա Ռամսդեյլը «Արսենալի» կազմում անցկացրեց յոթ հանդիպում, որոնցում բաց թողեց ութ գնդակ և երկու հանդիպումներում կարողացավ անառիկ պահել դարպասը։ Transfermarkt պորտալը Անգլիայի հավաքականի դարպասապահին գնահատում է 32 միլիոն եվրո:
