Սաուդյան «Ալ-Իթթիֆակ» ֆուտբոլային ակումբը պայմանագիր չի կնքի անգլիացի Ջեսի Լինգարդի հետ, հայտնում է լրագրող Բեն Ջեյքոբսը X սոցիալական ցանցում (նախկինում՝ Twitter)։
Աղբյուրի համաձայն, անգլիացին մարզումների ժամանակ տպավորել է ակումբին, սակայն նրան ձեռք բերելու համար երկու ֆուտբոլիստ պետք է դուրս մնան: Դա, ամենայն հավանականությամբ, չի լինի հունվարին։ Ամեն դեպքում, Լինգարդի ֆինանսական պահանջները չափազանց մեծ են։ Նախնական պայմանագիր չի առաջարկվել։
Հիշեցնենք, որ 30-ամյա անգլիացի կիսապաշտպանը որոշ ժամանակ մարզվել է Սթիվեն Ջերարդի գլխավորությամբ Սաուդյան Արաբիայի ակումբի կազմում։ Հոկտեմբերի 21-ին լրագրող Ֆաբրիցիո Ռոմանոն հայտնել էր, որ «Ալ-Իթթիֆակի» ղեկավարությունը պատրաստվում է Լինգարդին նախնական պայմանագիր առաջարկել 2024 թվականի համար:
