Մադրիդի «Ռեալի» գլխավոր մարզիչ Կառլո Անչելոտտին Լա Լիգայի 10-րդ տուրի՝ «Սևիլիայի» հետ հանդիպման նախօրեին խոսել է Սերխիո Ռամոսի մասին։
«Ես կցանկանայի տեսնել Ռամոսին և բարևել նրան։ Ես սիրում եմ բոլոր այն խաղացողներին, ում ունեցել եմ, բայց առանձնահատուկ եմ նրա նկատմամբ: Ես այսօր այստեղ եմ միայն նրա շնորհիվ։ Եթե նա գոլ չխփեր Չեմպիոնների Լիգայի եզրափակչում 2014 թվականին, ես հավանաբար այստեղ չէի լինի։
Դրա համար և այն ամենի համար, ինչ նա արել է այս ակումբի համար, բոլորը նրան շատ են սիրում։ Հուսանք, որ նա գոլ չի խփի, բայց եթե խփի, կարող է տոնել այնպես, ինչպես ցանկանում է»,- Անչելոտտիի խոսքերն է մեջբերում ESPN-ը։
